काठमाडौं – कानुन, न्याय तथा संसदीय मामिलामन्त्री सोविता गौतमसँग नेपालका लागि स्वीट्जरल्यान्डका राजदूत डा. ड्यानियल म्युलीले शिष्टाचार भेटघाट गरेका छन्।
आज सिंहदरबास्थित गाैतमकाे कार्यकक्षमै पुगेर राजदूत म्युलीले नवनियुक्त उनलाई बधाई तथा शुभकामना व्यक्त गरे ।
भेटवार्ताका क्रममा मन्त्री गौतम र राजदूत म्युलीबीच नेपाल र स्विट्जरल्यान्डबीचको दीर्घकालीन मैत्री सम्बन्ध, सहकार्य, नेपालको शान्ति प्रक्रिया तथा न्यायमा जनताको पहुँच अभिवृद्धि लगायतका विषयमा विचार आदान प्रदान भएकाे गाैतमकाे सचिवालयले जानकारी दिएकाे छ।
