जेनजी पुस्ताको आन्दोलनका क्रममा पोखरामा भएको क्षतिको गण्डकी प्रदेशका मुख्यमन्त्री सुरेन्द्रराज पाण्डेले निरीक्षण गरेका छन् । भदौ २३ र २४ गतेको प्रदर्शनका क्रममा भएको क्षतिको मंगलबार आज मुख्यमन्त्री पाण्डेले निरीक्षण गरेका हुन् ।
उनले प्रदेशका सबै मन्त्रालय, प्रदेश सभा र जिल्ला स्थित विभिन्न कार्यालयहरूको निरीक्षण गरेका छन् । आन्दोलनका समयमा उनी युनाइटेड अरब इमिरेट्स थिए । नेपाल फर्किएर उनी मंगलबार पोखरा आएका हुन् ।
तोडफोड र आगजनीका कारण गण्डकी प्रदेशमा धेरै क्षति भएको छ ।प्रदेश सरकारका मन्त्रालयदेखि प्रदेश सभासम्म जलेर नष्ट भएका छन् । सयौँ सवारी साधनमा तोडफोड र आगजनी गरिएको छ ।
