जेनजी आन्दोलनका कारण लागेको कर्फ्यु नवलपुरमा आजबाट हटेको छ । जिल्ला प्रशासन कार्यालय नवलपुरले आज एक सूचना जारी गर्दै कर्फ्यु हटेको जनाएको छ ।
नवलपुर जिल्लामा लागू भएको कर्फ्यु आज विहान ७ बजेबाट हटाइएको प्रशासनले जनाएको छ । कर्फ्यु हटेसँगै बजार विस्तारै खुल्न थालेको छ भने यहाँको जनजीवन विस्तारै सामान्य बन्दै जान थालेको छ ।
कर्फ्यु हटे पनि निषेधाज्ञा भने जारी रहेको सूचनामा जनाइएको छ । निषेधाज्ञाको समयमा पाँच जनाभन्दा बढी जम्मा भई धर्ना, जुलुस, र्याली जस्ता कुनै पनि गतिविधि गर्न नपाइने जनाएको छ ।
