यात्रुबहाक बस सञ्चालन गर्ने देशकै ठूला कम्पनीमध्ये एक, पृथ्वी राजमार्ग बस सञ्चालक कम्पनी प्रालिको अध्यक्षमा ऐनकुमार साई निर्वाचित भएका छन्।
शनिबार राति अबेर सम्पन्न सातौं साधारणसभा तथा तेस्रो अधिवेशनअन्तर्गतको निर्वाचनमा साईले प्रतिस्पर्धी विज्ञान श्रेष्ठलाई पराजित गर्दै अध्यक्ष पद हात पारेका हुन्। उनले ६०८ मत प्राप्त गर्दा श्रेष्ठले ५२४ मतमा सीमित भएका थिए।
अध्यक्ष पदमा साईलाई प्रमुख प्रतिपक्षी दल नेकपा माओवादी केन्द्र र नेकपा एकीकृत समाजवादी निकट व्यवसायीहरूको समर्थन रहेको जनाइएको छ। उता पराजित श्रेष्ठलाई सत्तारुढ दल नेपाली कांग्रेस र नेकपा एमाले निकट यातायात व्यवसायीहरूको साथ रहेको बताइएको छ।
यसैगरी सञ्चालक समितिको सदस्यमा हेमन्त मल्ल (८४०), जय प्रसाद शर्मा (७२३), मेघराज त्रिपाठी (७२३), अशोक कुमार चौधरी (६८०), कृष्णप्रसाद पौडेल (६५९), जयबहादुर गुरुङ (६२४), बाबुराम दवाडी (६१५), ज्ञान बहादुर केसी (५६६), काँशी शर्मा न्यौपाने (५३६) र लक्ष्मी पौडेल (५३४) निर्वाचित भएका छन्।
