पूर्वी अफगानिस्तानमा गएको भूकम्पमा परी ८०० भन्दा बढीको ज्यान गएको छ। ६.० म्याग्निच्युडको उक्त भूकम्प ८ किलोमिटर (५ माइल) को गहिराइमा गएको थियो। यस्तो भूकम्प बढी विनाशकारी हुने गर्छ। यसले काबुलदेखि पाकिस्तानको राजधानी इस्लामाबादसम्मका भवनहरूलाई हल्लाएको एक प्रारम्भिक रिपोर्टमा संयुक्त राष्ट्रसंघको मानवीय सहायत एजेन्सीले जनाएको छ।
दुर्गम क्षेत्रहरूमा क्षतिको आकलन गर्न गाह्रो भइरहेको जनाइएको छ। हेलिकप्टरबाट पुग्न गाह्रो हुने क्षेत्रहरूबाट मानिसलाई उद्धार गर्ने प्रयास भइरहेको जनाइएको छ।
मानिस भग्नावशेषमुनि फसेको आशंका गरिएको छ। यसैबीच त्यहाँका अधिकारीहरूले सम्पूर्ण गाउँहरू ध्वस्त भएको जनाएका छन्। प्रत्यक्षदर्शीले सम्पूर्ण गाउँहरू भग्नावशेषमा परिणत भएको बताएका छन्। अफगानिस्तानको कुनार र नान्गारहार प्रान्तमा गएको भूकम्पले गरेको जनधनको क्षतिप्रति अन्तर्राष्ट्रिय समुदायले पनि चिन्ता व्यक्त गरेका छन्।
