गण्डकी प्रदेश र लुम्बिनी प्रदेशको दोस्रो समन्वयात्मक बैठक स्याङ्जाको उत्तर बाहिनीमा सुरु भएको छ । सोमबार दुई प्रदेशको विकास र समस्या पहिचान गर्न बैठक बस्न लागेको हो । बैठकमा यसअघिका निर्णय कार्यान्वयनको समीक्षा गरिनेछ भने नयाँ साझा घोषणापत्र जारी गरिनेछ । यसअघि माघ ३० गते रानीमहलमा बसेको बैठकले २१ बुँदे निर्णय गरेको थियो ।ती निर्णय भने पर्याप्त बजेट नहुँदा कार्यान्वयनमा आएको छैन । गण्डकीका मुख्यमन्त्री सुरेन्द्रराज पाण्डेले अध्यक्षता गरेको बैठकमा लुम्बिनी प्रदेशका मुख्यमन्त्री चेतनारायण आचार्य सहितको टोली सहभागी छ ।
