पोखरा ३, नदिपुर भिसि मार्गमा रहेको माउन्ट अन्नपूर्ण मा.विमाका बिद्यार्थीले माउन्टेन ग्लोरी फरेस्ट रिसोर्ट एण्ड स्पाको अवलोकन गरेका छन् । आइतबार बिद्यालयको कक्षा ११ मा अध्यनरत बिद्यार्थीहरुले पोखरा २१ दोबिल्लामा रहेको रिसोर्टको अवलोकन गरेको प्रशासक चित्र गुरुङले बताए । कक्षा ११ मा भर्ना भएका बिद्यार्थीहरुलाई नियमित रुपमा होटल तथा रिसोर्टको अवलोकन तथा अध्ययन गर्ने योजना अन्तरर्गत कार्यक्रम आयोजना गरिएको प्रशासक गुरुङले उल्लेख गरे ।
१ सय जना बिद्यार्थीहरुको सहभागिता रहेका अवलोकनमा प्रशासक गुरुङ, होटल म्यानेजमेन्ट बिषय प्रमुख बिकास गुरुङ, माउंटेनियरिंङ बिषयका प्रमुख कर्मा लामा र एकाउन्टेन्ट प्रमुख नवराज शर्माको सहभागिता रहेको थियो । अवलोकनको क्रममा होटलका बिभिन्न डिपार्टहरु फ्रन्ट अफिस विभाग, हाउसकिपिङ विभाग, फूड एण्ड बेभरेज विभाग, बार लगाएतका बिभिन्न बिभागहरुको बारेमा रिसोर्टका फ्रन्ट अफिसर म्यानेजर देवेन्द्र महर्जनले बिद्यार्थीहरुलाई जनाकारी गराएका थिए । माउन्ट अन्नपूर्णमा म्यानेजमेन्ट,होटल म्यानेजमेन्ट र माउंटेनियरिंङ बिषयमा कक्षा १२ सम्म पढाइ हुन्छ । बिद्यालय गण्डकी प्रदेशकै पहिलो निजि स्तरबाट सञ्चालित शैक्षिक संस्था हो ।
