पोखरा ।
घरघरमा स्वास्थ्य कार्यक्रम अन्तर्गत नसर्ने रोगहरूको निस्शुल्क स्क्रिनिङ तथा परामर्श शिविर पाेखरा ८ मा शुभारम्भ भएको छ ।
त्यसैगरी कार्यक्रम अन्तर्गत नै पोखरा ८ ले ज्यष्ट तथा अशक्त नागरिकको धुम्ति स्वास्थ्य कार्यक्रम महिलाको प्रजनन स्वास्थ्य सम्बन्धि सचेतनामुलक कार्यक्रम तथा स्वास्थ्य जाँच शिविर, मनोरोग, सरूवा एवं अन्य दीर्घ रोग सम्बन्धि जानकारीको पनि एकसाथ शुभारम्भ भएको छ ।
शिविरको पोखरा महानगरका प्रमुख धनराज आचार्यले आइतबार शुभारम्भ गरेका हुन् । उनले शिविरकाे शुभारम्भ गर्दै महानगरवासीको स्वास्थ्य प्रति महानगर गम्भीर रहेको जानकारी दिए ।
उनले रोग लागेपछि उपचार भन्दापनि सुरूमै रोग लाग्न नदिन सचेत हुनुपर्ने बताए । प्रयाप्त मात्राका पानी पिउन र शारीरिक व्याम गर्ने लगायतमा ध्यान दिन उनले आग्रह गरे ।
पोखरा ८ का वडाध्यक्ष रूद्बनाथ बरालले वडावासी बुवा आमा दाजुभाइले शिविरको लाभ लिने अपेक्षा गरे । उनले कार्यक्रम भहत्वपूर्ण रहेकाले स्वास्थ्य सेवाको महाअभियानमा जोडन सबैमा आग्रह गरे ।
पोखरा ७ का वडाध्यक्ष राममोहन आचार्यले ३३ वटै वडामा यो कार्यक्रम पुग्ने बताए । उनले वडा नम्बर ७ले पनि स्वास्थ्यमा पर्याप्त बजेट राखेको जानकारी दिए । उनले महागर भित्र स्वस्थ नागरिक बनाउने अभियानको सफलताको कामना गरे ।
स्वास्थ्य महाशाखा प्रमुख भरतराज पौडेलले दुई हप्तासम्म नागरिकको घरघरमा पुगेर स्वास्थ्य परिक्षण गरिने जानकारी दिए । उनले भौतिक पूर्वाधार मात्र नभएर नागरिकको स्वास्थ्यमा ख्याल गर्नुपर्नेमा जाेड दिए ।
स्वास्थ्य शिविर शुभारम्भकाे अबसरमा पोखरा महानगरपालिका वडा नम्बर ८ वडा सदस्य पवित्रा केसी, मेडिकल अफिसर डा. बिशाल सुवेदी र सहरी स्वास्थ्य केन्द्र नयाँ बजारका प्रमुख कुस्मराज सुवेदी लगायतले अबसरमा स्वास्थ्य शिविरको बारेमा बोलेका थिए ।
