हिन्दी फिल्मको इतिहासमा एउटा नयाँ अध्याय लेखिएको छ । बहुचर्चित फिल्म ‘धुरन्धर’ ले प्रदर्शनको ३०औँ दिन अर्थात् पाँचौँ शनिबार भारतमा ८ सय करोड रुपैयाँ नेट कलेक्सनको आँकडा पार गर्दै आफ्नो नामको इतिहास बनाउन सफल भएको हो ।
अहिलेसम्म बक्स अफिसमा हिन्दी फिल्मले यो रेकर्ड बनाएको छैन । फिल्म ‘पुष्पा २’ को रेकर्ड तोड्न अघि बढिरहेको छ । ‘पुष्पा २’ को ८३० करोडको रेकर्ड छ । सामान्यतया ठुला फिल्महरू चौथो वा पाँचौँ हप्तासम्म आइपुग्दा कमाइको रफ्तार गुमाउँछन् तर ‘धुरन्धर’ यस मामिलामा अपवाद साबित भएको छ ।
पाँचौँ हप्ताको शुक्रबार फिल्मले करिब ९.७० करोड रुपैयाँ र शनिबार १२.६० करोड रुपैयाँको कमाइ गर्यो । फिल्मको अहिलेसम्म कुल भारतीय नेट कलेक्सन ८०६.८० करोड पुगेको छ ।
