उच्च अदालत पाटन, ललितपुर परिसरमै एक युवतीले आत्महत्या प्रयास गरेकी छिन् ।
गएको बिहिबार अदालत परिसरमै आत्महत्या प्रयास गरेकी अन्दाजी ३० वर्षीया युवतीलाई तत्काल उद्धार गरेर उपचारका लागि पाटन अस्पतालमा पठाइएको समाचार स्रोतहरुले जानकारी दिएका छन्। उनले किटनाशक विषादी सेवन गरेकी थिइन् ।
कोष तथा लेखा नियन्त्रक कार्यालयमा कार्यरत अधिकृत प्रमोद मैनाली प्रतिवादी भएको मुद्दामा अदालतले धरौटीमा रिहा गर्न आदेश दिएपछि उनले आत्महत्याको प्रयास गरेको स्रोतले बताएको छ ।
यसअघि काठमाडौं जिल्ला अदालतले धरौटीमा छाड्न आदेश दिएपछि ती युवती पाटन पुगेकी थिइन् । पाटनले पनि धरौटीमा छाड्न आदेश दिएपछि उनले आत्महत्या प्रयास गरेकी बताइएको छ ।
