पोखरा, भदौ २३ – राष्ट्रिय शोक दिवसको अवसरमा पोखरा महानगरपालिकाका मेयर धनराज आचार्यले ‘जेनजी’ प्रदर्शनका क्रममा आफ्नो अमूल्य जीवन गुमाउने सम्पूर्ण शहीदहरूप्रति भावपूर्ण श्रद्धाञ्जली अर्पण गर्नुभएको छ।
सामाजिक सञ्जालमा सन्देश जारी गर्दै मेयर आचार्यले शोकसन्तप्त परिवारजन तथा सम्पूर्ण नेपाली दाजुभाइ र दिदीबहिनीहरूमा गहिरो समवेदना व्यक्त गर्नुभएको छ।
उहाँले आन्दोलनमा घाइते भएका सबैको शीघ्र स्वास्थ्य लाभको कामना पनि गर्नुभएको छ। सरकारले देशभर सार्वजनिक बिदा दिएर शहीदहरूको सम्मान गरेको यो कदमले आन्दोलनको महत्व र बलिदानको कदर गरेको छ।
