पाेखरा, १९ बैशाख २०८२।भारतको ओडिसास्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) मा अध्ययनरत फेरी अर्की एक नेपाली छात्रा मृत भेटिएकी छिन् ।
वीरगञ्ज घर भएकी प्रिशा शाह बिहीबार बेलुकी करिब ८ बजे केआईआईटी बिश्वबिद्यालयको होस्टलमा झुण्डिएको अवस्थामा मृत भेटिएकी हुन् ।
नयाँ दिल्लीस्थित नेपाली दूतावासका कन्सुलर, एसएसपी सञ्जीव शर्मा दासले घटनाको पुष्टि गर्दै उनले प्रिशाको शव पोष्टमार्टमका लागि अस्पताल पठाइएको जानकारी दिए । परिवारका सदस्य आएपछि मात्र पोष्टमार्टम गरिने दूतावासका कन्सुलर दासले बताए। सिनियर दिदीहरूसँगै बस्दै आएकी प्रथम वर्षमा अध्ययनरत्प्रि शाले कोठामा एक्लै रहेको बताइएको छ ।
आफूमाथि मानसिक दुर्व्यवहार र ब्ल्याकमेल भएकोबारे उनले दुई पटक कलेज प्रशासनमा उजुरी दिएकी थिइन् । तर, कलेजले गम्भीरतापूर्वक नलिँदा उनले मृत्युको बाटो रोजेकी थिइन् ।
त्यसपछि प्रकृतिको न्याय माग्दै क्याम्पसमा नेपाली विद्यार्थीले गरेको प्रदर्शनमा कलेज प्रशासनले दमन गरेको थियो । कलेज प्रशासनको निर्देशनमा सुरक्षागार्डले नेपाली विद्यार्थीमाथि निर्घात कुटपिट गरेका थिए भने प्रशासनले होस्टल छाडेर जान निर्देशन दिएको थियो । घटना बढ्दै जाँदा तनावको स्थिति पैदा भएको थियो ।
