अमेरिकी राष्ट्रपति डोनाल्ड ट्रम्पले स्ट्रेट अफ हर्मुजमा सैन्य सुरक्षामा जहाजहरू आवागमन गराउन भनिरहेका छन् । उनको यस योजनामा देशहरूले मिश्रित प्रतिक्रिया दिएका छन् ।
यसैबिच संयुक्त राष्ट्र संघको अन्तर्राष्ट्रिय समुद्री संगठन (आईएमओ)ले यसरी हर्मुजबाट जहाजहरू आरपार गराउनु दिगो वा सुनिश्चित सुरक्षा उपाय नभएको बताएको छ ।
सैन्य कूटनीतिक मार्गदर्शनले जोखिम घटाउने भए पनि जहाजहरूको १०० प्रतिशत सुरक्षा ग्यारेन्टी गर्न नसकिने आएमओका आर्सेनियो डोमिन्गुएजले भनेका छन् । यसो गर्दा व्यापारी जहाज र चालकदल अझै जोखिममा रहन सक्नेमा उनले जोड दिएका छन् । इरानले आफ्ना शत्रु राष्ट्रहरूका लागि स्ट्रेट बन्द गर्ने धम्की दिइसकेको छ । यसले पनि यो मार्ग अत्यन्त संवेदनशील बनाएको छ ।
अमेरिकी राष्ट्रपति ट्रम्पले स्ट्रेट अफ हर्मुज सुरक्षित गर्न अन्तर्राष्ट्रिय नौसैनिक गठबन्धन बनाउन आह्वान गरेका छन् । तर युरोपका धेरै नेताहरूले यस प्रस्तावलाई अस्वीकृत गरेका छन् ।
