सल्यानमा नेपाली कम्युनिस्ट पार्टी (नेकपा)बाट रमेश मल्लले टिकट पाएका छन् । लामो समय नेकपा संयोजक पुष्पकमल दाहाल ‘प्रचण्ड’का स्वकीय रहेका मल्लले टिकट पाउन सफल भएका छन् ।
सल्यान नेकपाका नेता प्रकाश ज्वालाको गृह जिल्ला हो । कुनै बेला एमाले हुँदा पनि उनी बलिया थिए, एमाले विभाजनपछि नेकपा (एकीकृत समाजवादी)मा लागेका उनी ०७९ को चुनावमा आफ्ना प्रतिस्पर्धीभन्दा दोब्बर मतान्तरले चुनाव जितेका थिए ।
अहिले माओवादी, समाजवादी लगायत दलहरू मिलेर नेकपा बनेपछि जिल्लाबाट ज्वाला, मल्ल र टेकबहादुर बस्नेतको नाम सिफारिस गरिएको थियो ।
पार्टी केन्द्रमा टिकट फुत्काउन ज्वाला र मल्लबिच निकै रस्साकस्सी नै चलेको थियो । तर अन्तिममा ज्वालाले मैदान छाड्ने निर्णय गरेसँगै मल्लले टिकट पाए ।
स्वयम् ज्वालाले उम्मेदवारहरूको बिचको सहमति र वर्तमान परिस्थितिलाई समेत ध्यानमा राखेर संयोजक प्रचण्ड, सहसंयोजक माधव कुमार नेपालको नेतृत्वमा पार्टीको निर्णय अनुसार मल्ललाई उम्मेदवारको रूपमा अघि सारिएको बताए ।
सो क्षेत्रमा नेकपा एमालेबाट गुलाबजंग शाह उम्मेदवार छन् ।
