काठमाडौँ-तत्कालीन काठमाडौँ नगर पञ्चायतका २०३० सालका प्रधानपञ्च रिनेन्द्रमान सिंह महर्जनको हिजो निधन भएको छ ।
पक्षाघात भएर लामो समयदेखि घरमै रहनुभएका सिंहको हृदयाघातका कारण निधन भएको हो । उहाँको पार्थिक सरीरलाई आज टेकुस्थित जम्बुदिपमा अन्तिम संस्कार गरियो ।
वि. सं. २००२ सा श्रावणमा जन्मिनुभएका सिंह २०२८ सालमा काठमाडौँको तत्कालीन वडा नं. ८ (अहिलेको २२) बाट वडाको अध्यक्ष पदमा निर्वाचित हुनुभएको थियो । वडा २२ का अध्यक्ष चिनीकाजी महर्जनले जानकारी दिँदै भन्नुभयो, ‘त्यसबेला काठमाडौँ नगर पञ्चायतमा २९ वटा वडा थिए ।
वडाबाट निर्वाचित अध्यक्षबाट प्रधानपञ्च चुन्ने प्रणाली थियो । यही प्रणालीबाट सिंह २०३० सालदेखि २ वर्षका लागि काठमाडौँ नगरपञ्चायतको प्रधानपञ्च हुनुभएको थियो ।’
सिंहका श्रीमति १ छोरा र २ छोरी हुनुहुन्छ ।
