आईसीसी टी९२० विश्वकप एसिया–इस्ट एसिया प्यासिफिक छनोटको सुपर- ६ अन्तर्गत नेपाल र युएईबिचको खेलमा दीपेन्द्रसिंह ऐरी प्लेयर अफ द म्याच बनेका छन् ।
नेपाललाई जित दिलाउन महत्त्वपूर्ण भूमिका खेलेका दीपेन्द्र प्लेयर अफ द म्याच बनेका हुन् । आइतबार भएको खेलमा नेपालले युएईमाथि एक रनको रोमाञ्चक जित निकालेको थियो । उक्त खेलमा बलिङमा दीपेन्द्रले उत्कृष्ट प्रदर्शन गरे।
४ ओभर बलिङ गरेका दीपेन्द्रले २२ रन खर्चेर ३ विकेट लिए । अन्तिम ओभरमा दीपेन्द्रले शानदार बलिङ गरे। युएईलाई जित निकाल्न ३ बलमा ३ रनको आवश्यक थियो । तिनै बलमा दीपेन्द्रले विकेट लिँदै नेपाललाई जित दिलाए।
