बडादशैँ सकिएसँगै गाउँघरबाट काठमाडौं फर्किने यात्रुको चाप बढेको छ । बाढी पहिरोका कारण विभिन्न राजमार्ग अवरुद्ध हुँदा यात्रुहरू काठमाडौं आउन पाएका थिएनन् ।
अविरलको वर्षा र सडक सञ्जाल बिग्रिएपछि सरकारले जोखिम न्यूनिकरणका लागि असोज १८ देखि २० गतेसम्म काठमाडौं प्रवेश गर्ने नाका बन्द गरेको थियो ।
बाढी र पहिरोले क्षति गरेका सडक मर्मत पछि सडक खुलेसँगै आज बिहानैदेखि काठमाडौं भित्रिनेको चाप बढेको हो । नाका खुलेसँगै सवारीसाधन काठमाडौं छिर्ने क्रम बढेको छ । काठमाडौं छिर्नेमात्र होइन काठमाडौंबाट बाहिरिने यात्रुको संख्या पनि बाक्लै छ ।
