आर्थिक संकटका बिच फ्रान्समा राजनीतिक संकट पनि बढेको छ। प्रधानमन्त्री सेबास्टियन लेकोर्नुले २६ दिनमै राजीनामा दिएका छन्।
लेकोर्नु दुई वर्षभित्र नियुक्त हुने पाँचौँ प्रधानमन्त्री हुन् । फ्रान्समा पछिल्लो समय छिटो–छिटो प्रधानमन्त्री फेरिएका छन्।
पछिल्लो समयमा फ्रानसमा सरकारविरुद्ध प्रदर्शन चर्किरहेको छ। प्रदर्शनकारीले गरिबी र असमानताको विषय पनि उठाएका छन् । फ्रान्सको तथ्यांक ब्युरोका अनुसार हालैका वर्षमा फ्रान्समा असमानता तीव्र रूपमा बढेको छ । पछिल्ला प्रदर्शन राष्ट्रपति इमानुएल म्याक्रोँको पहिलो कार्यकाललाई हल्लाएको ‘पहेंलो भेस्ट’ आन्दोलनको सम्झना दिलाउने खालको छ । पहिलो भेस्ट आन्दोलनका क्रममा प्रदर्शनकारीले बढ्दो इन्धन मूल्य र व्यापारमैत्री नीतिविरुद्ध हप्तौँ विरोध प्रदर्शन गरेका थिए । जुन पछिल्लो समय हिंसात्मकसमेत बनेको थियो । फ्रान्समा एकैपटक राजनीतिक र आर्थिक संकट बढेको हो।
