बारा अपडेटः टीकटक बनाउन खोलामा हाम फालेका थिए, बेपत्ता भए

Facebook
Email
Twitter
WhatsApp
LinkedIn

बाढी पहिरोको जोखिमका बेला सुरक्षा अपनाउनका लागि सरकारले अपील गरे पनि कतिपय रमाइलो गर्ने गतिविधिको प्रयोजनका क्रममा लाग्दा दुख भोग्नुपर्ने अवस्थामा पुगेका छन्।

यस्तै घटना बारा जिल्लामा भएको छ। टीकटक बनाउन खोलामा हाम फालेका एक जना बेपत्ता भएका छन्।

प्रसौनी गाउँपालिका वडा नं २ बस्ने २१ वर्षीय विक्की गोसाईं बेपत्ता भएका हुन्।

बिहान साढे ९ बजेतिर टीकटक बनाउन विक्की र २० वर्षीय अनुराग केशरवानी पुलबाट बाढी आएको दुधौरा खोलामा हाम फालेका थिए। अनुराग पौडिएर बाहिर निस्केका छन् भने विक्की वेपत्ता छन्।

उनको खोजी भइरहेको जिल्ला प्रहरी कार्यालय बाराले जनाएको छ।