नेपाल मलेसियासँग पराजित

Facebook
Email
Twitter
WhatsApp
LinkedIn

नेपाल अन्तर्राष्ट्रिय महिला टी- २० अन्तर्राष्ट्रिय शृंखलाको पहिलो खेलमा घरेलु टोली मलेसियासँग ३ रनले पराजित भएको छ ।

बिहीबार मलेसियाको बायुमास मैदानमा अन्तिम ओभरमा ७ रन चाहिएको अवस्थामा नेपालले मात्र ३ रन जोडेको थियो ।

टस जितेर ब्याटिङ गरेको मलेसियाले निर्धारित २० ओभरमा पाँच विकेट गुमाउँदै एक सय ५ रनको लक्ष्य प्रस्तुत गरेको थियो । प्रत्युत्तरमा नेपालले ७ विकेट गुमाउँदा मात्र एक सय १ रन बनायो ।

नेपालको लागि पुजा महतोले २९ बलमा सर्वाधिक ३० रन बनाउँदा सम्झना खड्काले १६ बलमा १८ रन जोडिन् ।  मलेसियाको लागि नुर डानियाले सर्वाधिक ३ विकेट लिइन् ।

यसअघि मलेसियाकी कप्तान विनिफ्रेड डुरैसिंगमले सर्वाधिक २६ रन बनाइन् । उनले ४१ बलको सामना गर्दा एकै बाउन्ड्री प्रहार गर्न सकिनन् । ओपनर ऐना हमिजा हसिमाले २६,  मास ऐसाले २५ रन बनाएका थिए ।

नेपालको लागि सुमन विष्टले सर्वाधिक दुई विकेट लिइन् । उनले ४ ओभरमा एक मेडनसहित २१ रन खर्चिएकी हुन् । पूर्व कप्तान रुविना क्षेत्रीले एक विकेट लिएकी थिइन् ।

मलेसिया भ्रमणमा रहेको नेपालले विश्वकप छनोटअघि पाँच ट्वान्टी २० शृंखला खेल्दैछ ।