भदौ २४ गते जेनजी आन्दोलनका क्रममा संघीय संसद् भवन, सर्वोच्च अदालत, सिंहदरबार, राष्ट्रपति निवास र प्रधानमन्त्रीको सरकारी निवाससहित राज्यका प्रमुख निकायहरूमा प्रदर्शनकारीले आगजनी गरेका थिए ।
बुधबार दिउँसो काठमाडौँ महानगरका प्रहरी प्रमुख राजु पाण्डेले सामाजिक सञ्जालमार्फत सार्वजनिक रूपमा जवाफ दिँदै यस्तो बताएका हुन् ।
आगलागीमा निष्क्रिय रहेको आरोपलाई खण्डन गर्दै प्रहरी प्रमुख पाण्डेले फेसबुकमा लेखेका छन्, ‘सिंहदरबारको आगो निभाउन सबै भन्दा पहिला काठमाडौँ महानगरको दमकल पुगेको थियो ।’ उनले आफ्नो दाबीलाई पुष्टि गर्न आवश्यक परे नेपाली सेनासँग सोध्नसमेत चुनौती दिएका छन् ।
पाण्डेले फेसबुकमा लेखेका छन् –
‘सिंहदरबारको आगो निभाउन सबैभन्दा पहिला काठमाडौँ महानगरको दमकल पुगेको थियो । पत्यार नलागे नेपाली सेनासँग सोधे हुन्छ ।’
