अर्थमन्त्री रामेश्वर खनालले अर्थ मन्त्रालयसँग सम्बन्धित ३ हजार ८ सय २१ गुनासो सम्बोधन गरेको छन् ।
मन्त्रालयसँग सम्बन्धित कुनै गुनासो भए वा कर्मचारीले घुस मागेमा सीधै इमेल गर्न सूचना निकालिएको थियो ।
सूचना सार्वजनिक भएको पाँच दिनमा ह्वाट्स एपबाट २ हजार २००, एसएमएसबाट १ हजार ५०० भन्दा बढी र १२१ वटा इमेलहरूको गुनासो सम्बोधन गरेको अर्थमन्त्री खनालले बताएका छन् ।
उनले सोमबार सामाजिक सञ्जाल फेसबुकमा गुनासो सम्बोधनका तथ्याङ्क सार्वजनिक गर्दै यस्तो जानकारी दिएका हुन् । उनले लेखेका छन्,‘ मैले २,२०० वटा ह्वाट्स एप सन्देशहरू, १,५०० भन्दा बढी टेक्स्ट सन्देशहरू र १२१ वटा इमेलहरूको जवाफ दिइसकेँ। अझै सयौँ सन्देश र इमेलहरूको जवाफ दिन बाँकी छ। टिकाअघि नै यो सबै काम सक्ने अपेक्षा छ।’
अर्थमन्त्री खनालले आएका गुनासो इमेलमा प्राप्त बाँकी गुनासोको पनि यथाशीघ्र जवाफ दिइने बताएका छन् । उनले टिकाअघि नै सम्बोधन गर्ने प्रतिबद्धता जनाएका छन्।
