रुकुम बाँफिकोटबाट दाङ तुलसीपुरतर्फ आउँदै गरेको यात्रुवाहक हायस दुर्घटना हुँदा मृत्यु भएका तीनजनाको सनाखत भएको छ। आइतबार राति २ बजेतिर लु २ ख ६५०२ नम्बरको गाडी कपुरकोट–३ चोरखोलामा दुर्घटना हुँदा तीनजनाको घटनास्थलमै मृत्यु भएको थियो।
मृत्यु हुनेमा बाँफिकोट गाउँपालिका– ५ निवासी ६७ वर्षीय पबि केसी, सोही ठाउँका २७ वर्षीय प्रकाश केसी र ३० वर्षीय शशीधर केसी रहेका प्रहरीले जनाएको छ। दुर्घटनामा दुईजना गम्भीर घाइते भएका छन्। गाडी सडकदेखि डेढ सय मिटर तल खसेको छ।
