कैलालीको धनगढी उपमहानगरपालिकाबाट एक दिन अघि बेपत्ता भएकी एक बालिकाको निर्वस्त्र अवस्थामा शव फेला परेको छ।

बिहीबार साँझ बेपत्ता भएकी धनगढी उपमहानगरपालिका–३ चटकपुर बस्ने ११ वर्षीया सुमित्रा राना शुक्रबार साँझ मोहना नदीमा मृत भेटिएको प्रहरीले जनाएको छ।

शव भन्दा करिब दुई सय मिटरको दूरीमा उनका कपडा भेटिएका छन्। उनको शव परीक्षणका लागि सेती प्रादेशिक अस्पतालमा राखिएको छ।