अमेरिका र इजरायलले इरानको खोमिन सहरमा बिहानै आक्रमण गरेका छन् । फार्स न्युज एजेन्सीले खोमिनमा एक स्कुलमाथि भएको हमला देखाउँदै फोटोसहित ठुलो क्षति भएको जानकारी दिएको छ ।
मेह्र न्युज एजेन्सीले पनि मार्काजी प्रान्तका उप–राज्यपाललाई उद्धृत गर्दै विद्यालयमाथि आक्रमण भए तापनि कुनै पनि व्यक्ति घाइते नभएको समाचार छापेको छ । तर आक्रमणको क्रममा विद्यालय वरिपरि रहेका केही घरहरूमा क्षति पुगेको जनाइएको छ ।
इरानी रेड क्रेसेन्ट सोसाइटीले टेलिग्राममा सोही फोटोहरू साझा गर्दै ‘खोमिनमा विद्यालयमाथि हवाई हमला’ भन्ने शीर्षकसहित समाचार पोस्ट गरेको छ ।
