पाँचथर जिल्लामा प्रतिनिधिसभा र प्रदेशसभा निर्वाचनको मतगणना आज दिउँसो १२ बजेबाट सुरु हुने भएको छ । मुख्य निर्वाचन अधिकृत कुमार मास्केले मतगणनाका लागि आवश्यक सबै तयारी पुरा भएको र केही बेरमा गणना सुरु गरिने जानकारी दिए ।
‘सर्वपक्षीय बैठक सम्पन्न भइसकेको छ र ११ बजेबाट गणना सुरु गर्ने सहमति भएको थियो,‘मुख्य निर्वाचन अधिकृत मास्केले भने,‘अहिले व्यवस्थापनको काम भइरहेको छ र मतपेटिकाहरू खोलिँदै छन् । लगत्तै १२ बजेसम्ममा हामी औपचारिक रूपमा गणना सुरु गर्नेछौँ ।’
हिले गणना स्थलको सुरक्षा व्यवस्था कडा पारिएको छ र राजनीतिक दलका प्रतिनिधिहरू पनि गणना स्थलमा पुगिसकेका छन् ।
