एजेन्सी । बेलायतका पूर्वराजदूत पिटर म्यान्डेलसन पक्राउ परेका छन्।
प्रहरीले जेफ्री एपस्टिनसँग सम्बन्धित फाइलहरूमा म्यान्डेलसनको नाम पनि मुछिएपछि सोधपुछका लागि पूर्वराजदूत म्यान्डेलसनलाई सोमबार पक्राउ गरेकाे हो। अन्तर्राष्ट्रिय समाचार संस्था रोयटर्सले म्यान्डेलसन एपस्टिनबीच भएको संवादहरू सरकारले प्रहरीलाई उपलब्ध गराएको जनाएकाे छ। सोही अनुसार अनुसन्धानका लागि ७२ वर्षीय म्यान्डेलसनलाई सोमबार बिहान उनकै घरबाट पक्राउ गरिएको हो।
त्यतिबेला सादा पोसाकमा प्रहरीहरू क्याम्डेनस्थित म्यान्डेलसनको घर पुगेका थिए। प्रहरीहरूले नै म्यान्डेलसनलाई निवासबाट बाहिर ल्याएर गाडीमा हालेर प्रहरी कार्यालय लगेका थिए।
