गत प्रतिनिधिसभा निर्वाचनमा नागरिक उन्मुक्ति पार्टी (नाउपा) बाट ‘ढकिया’ चुनाव चिह्न लिएर रुपन्देही–१ मा उम्मेदवार बनेका धनिराम चौधरी राष्ट्रिय प्रजातन्त्र पार्टी (राप्रपा) मा प्रवेश गरेका छन्।
चुनावी अभियानका क्रममा रुपन्देही र नवलपरासीका विभिन्न कार्यक्रममा सहभागी हुन भैरहवा पुगेका राप्रपा अध्यक्ष राजेन्द्र लिङ्देनले शनिबार चौधरीलाई पार्टीमा स्वागत गरेको राप्रपाका प्रवक्ता मोहन श्रेष्ठले बताए ।
रुपन्देही–१ मा राप्रपाबाट प्रज्वल बोहोरा उम्मेदवार छन्। प्रज्वल राप्रपाका दिवंगत नेता दीपक बोहोराका सुपुत्र हुन्।
