काठमाडौँको तीनकुनेस्थित भवनमा आगजनी हुँदा जलेर मृत्यु भएको ठानिएका एभिन्युज टेलिभिजनका पत्रकार सुरेश रजकको शरीरमा गोलि नदेखिएको बताइएको छ।

त्रिवि शिक्षण अस्पतालमा स्वर्गीय रजकको शरीरको पोर्टेबल एक्स-रेमा उनको शरीरमा कुनै गोली नदेखिएको हो।

रजकलाई गोली हानेर मारेपछि जलाइएको हल्ला चले पछि अस्पतालका डाक्टरहरुले एक्स-रे गरेर मात्र पोस्टमार्टम गर्ने अडान लिएका थिए।

तीनकुनेमा प्रदर्शनकारीहरुले आगजनी गरेको घरमा उनी मृत भेटिएका थिए । प्रदर्शनको भिडियो खिच्न उनी सो घरमा गएका हुन् । उनको पोस्टमार्टम बुधवार हुने भएको छ ।