प्रधानमन्त्री केपी शर्मा ओलीले सर्वदलीय बैठक बोलाएका छन् । पछिल्लो समसामयिक घटनामा छलफल गर्न बोलाइएको बैठकमा राप्रपालाई भने बहिस्कार गरिएको छ ।
साँझ ७ बजे बालुवाटारमा बस्नेगरि बोलाइएको बैठकमा गणतन्त्रवादी दलहरुलाई बोलाइसकिएको प्रधानमन्त्री सचिवालयले जनाएको छ ।
पछिल्लो समय स्वयम् सत्तापक्षीय नेताहरु र प्रतिपक्ष दलहरु सरकारले कुलमान घिसिङलाई पदबाट हटाएकोमा आन्दोलनरत छन् । विपक्षी दलहरुले त सो विषयमा प्रधानमन्त्रीको जवाफ चाहिने अडान कस्दै संघीय संसदका दुवै सदन अवरुद्ध गर्दै आइरहेका छन् ।
सोही बिचमा गत शुक्रबार राजावादीहरुले काठमाडौँमा गरेको आन्दोलन र हिंसात्मक गतिविधिबारे छलफल गरेर निष्कर्षमा पुग्न गणतन्त्रवादी दलहरुलाई बैठकमा बोलाइएको सचिवालयले जनाएको छ ।
Facebook Comments Box
