पोखरा, — पोखरा स्थित पृथ्वीनारायण क्याम्पसको स्वतन्त्र विद्यार्थी युनियन (स्ववियु) निर्वाचनमा अनेरास्ववियुबाट बिष्णु पोखरेलको नेतृत्वमा रहेको टिम विजयी भएको छ। पोखरेलको टिमको जितपछि विभिन्न क्षेत्रबाट बधाईका सन्देशहरू आइरहेका छन्।
पोखरा महानगरपालिकाका मेयर धनराज आचार्यले नवनिर्वाचित टिमलाई बधाई ज्ञापन गर्दै सफल कार्यकालको शुभकामना व्यक्त गरेका छन्। उनले आफू पूर्व स्ववियु सभापति भएको नाताले स्ववियुको महत्व, चुनौती र जिम्मेवारी राम्ररी बुझेको उल्लेख गरेका छन्।
“स्ववियु विद्यार्थी हकहितको प्रतिनिधि संस्था भएकाले नवीन सोच, नेतृत्व क्षमता र सकारात्मक परिवर्तनका लागि नयाँ टिमले महत्वपूर्ण भूमिका खेल्नेछ भन्ने विश्वास छ। विद्यार्थी र क्याम्पसको हितमा तपाईंहरूको कार्यकाल उपलब्धिमूलक रहोस् भन्ने शुभेच्छा व्यक्त गर्दछु। स्ववियुको रचनात्मक कामहरूमा मेरो साथ सहयोग रहिरहनेछ,” मेयर आचार्यले भने।
