नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले जनताको जीवन बदल्ने अभियानमा सबै राजनीतिक दल केन्द्रित हुनुपर्ने बताएका छन्।

रौतहटको गरुडा नगरपालिका–५ ले सञ्चालन गरेको विपन्न नागरिक सहयोग कार्यक्रमको उद्घाटन गर्दै उनले विपन्न वर्गको उत्थान राजनीतिक दलहरूको साझा दायित्व भएको उल्लेख गरे। समाजवाद स्थापनाका लागि जनताको आर्थिक तथा सामाजिक रूपान्तरण आवश्यक भएकाले कम्युनिस्ट पार्टीहरू त्यसतर्फ केन्द्रित हुनुपर्ने उनको भनाइ छ।हुलाकी मार्ग केन्द्रित “जनतासँग माओवादी, तराई-मधेश जागरण अभियान” अन्तर्गत प्रचण्ड नेतृत्वको टोली आज रौतहट पुगेको छ।