होली पर्व नजिकिँदै गर्दा यससँग सम्बन्धित गीतहरू बजारमा आउन थालेका छन्। यसै क्रममा समीक्षा अधिकारी
र विश्व चौधरीको स्वरमा रहेको होली गीत ‘आयो रे आयो ह्याप्पी होली’ सार्वजनिक भएको छ।
थारू समुदायमा होली अर्थात् धुरहेरी पर्वको आफ्नै ऐतिहासिक, धार्मिक, र सांस्कृतिक महत्त्व रहेको छ। हिन्दूहरूको महत्वपूर्ण पर्व फागु पूर्णिमालाई केन्द्रमा राखेर तयार गरिएको यस गीतमा होलीको रंगीन माहोल झल्काइएको छ।
उपेन्द्र ‘अबिरल जिज्ञासु’ र विश्व चौधरीको शब्द तथा संगीत रहेको गीतमा रेकर्डिस्ट एसबी मुस्कान, मिक्सिङ र मास्टरिङ चन्द्र चौधरीले गरेका छन्। भिडियोमा देव महतो र ममता चौधरीले मोडलिङ गरेका छन् भने छायांकन विक्रमे, सम्पादन तथा कलरिङ सुरज महतो, र निर्देशन हिरा चौधरीले गरेका छन्।
रंग, उमंग, र उत्सवको भाव समेटिएको ‘आयो रे आयो ह्याप्पी होली’ गीतले दर्शक-श्रोतामाझ कत्तिको लोकप्रियता हासिल गर्छ, त्यो हेर्न बाँकी छ।
